بسم الله الرحمن الرحيم
________________
ايه اخبار 18 ال فاتو ها ساعدتم مامتكم اخبار المواعين والاكل ايه اخبار الزيارات والعصاير والمسلسلات والبرامج الكوميدية كله تمام
دلوقت احنا داخلين علي العشر الاواخر خلصتم كام خاتمة ؟؟ صليتو التراويح كل يوم !! في حد قام الليل غير التراويح ؟؟ الاذكار بعد كل صلاه والدعاء في خشوع و................
سبنا من ال فااات وخلينا في العشرة الاواخر لكل من ضاع منه صلاه تراويح او مختمش القرءان خالص او مدعاش او ..............
دلوقت عوزين نحط ادينا في ايد واحده ونفذ خطة للعشر الاواخر وندعي ربنا انه يبلغنا ليلة القدر اميييييييييييييييييييين
انا عن نفسي ضاع مني حجات كتير بس عوزة نتفق مع بعض بقي يلا
الخطــة:
اولا: نصلي كل صلاه في وقتها مناخرهاش اول ما نسمع الذان .
ثانيا: نصلي سنة كل صلاه ومنطنش سنة الظهر :D:D كمنها طويلة 4 قبل و4 بعد عشان نكون اتبعنا جزء من سنن رسولنا والدعاء انه يكون شفيعنا يوم القيامة.
ثالثا: نحاول نختم القرءان مرتين فيهم وندعي انه يبقي شفيعنا يوم القيامة لان ده شهر القرءان .
رابعا: صلاه التراويح والله لو كانت في المسجد انا بصراحة كنت بصليها في البيت :(
خامسا:صلاه قيام الليل وخليها في البيت لان الوقت بيبقي متاخر وال عنده اخوه او باباه حيروح معاه مفيش مانع :) وان شالله تصلو ركعتين بس او 4 بس نصليه.
سادسا: أذكار الصباح والمساء.
سابعا : أذكار بعد كل صلاه.
ثامنا: نحاول نكثر التسبيح والاستغفار ولا اله الا الله و سبحان الله وبحمده .
تاسعا : الدعاء للمسلمين ولاخوك المسلم زي ما بتدعي لنفسك ونكثر من الدعاء بخشوع والدعاء لامواتنا واموات المسلمين .
عاشرا: نحاول نرضي ابونا وامنا ونخليهم ينفزو معانا الخطة واخوتنا الصغيرين والكبار والعيلة نبقي روح واحده مع بعض نشجع بعض.
حادي عشر:نتوب عن كل معصية وننوي علي عدم العوده(توبة نصووووحة) .
نصيحة خفيفة: خففوا من الأكل ومن التلفاز :) وندعي ربنا اننا نقدر نفذ الخطة ونزودها كمان :) وان ربنا يبلغنا ليلة القدر.
ملاحظة: الخطة قابلة لاي تعديل او اضافة منكم .
