نتيجة المدونة الاولي النتيجة وما بعدها

في المدونة الاولي انا قولت ان الدعاء للمسلمين اثناء الامتحان لية فائدة كبيرة وانا كنت حليت وحش في الامتحانات وكنت مزكرة نصنص ومتوقعة اني اقع في مادتين بس حطيت امل في ربنا كبير وزي ماقولت ان ربنا قادر علي كل شيء
ووالله انا كنت ساعتها خيفة خوف كبيير اوي وساعة النتيجة انا مصدقتش روحي 3 مقبول و3 جيدجدا موقعتش في ولا مادة وربنا استجاب لانة قادر علي كل شيء لاني توكلت علية فيا جماعة في حجات اكتر من كدة وبتبقي مصيرية يعني بيقف عليها حياة الانسان والناس كلها بتتوقع حاجة معينة وبتحصل عكسها تماما يعني انا جبت الحمد لله جيد وانا مستغربة معقولة انجح صافي والله ربنا قدرتة تفوق كل شيء ولما لقيت اعز صحباتي جابو جيد جدا وجيد بقيت مبسوطة جداا بس بقيت صحباتي شالو مادة واتنين وكان في ظلم كبيير تقريبا كل الدفعة او يعني تلت تربعها وقعين في نفس المادتين اتقتلت الفرحة بداخلي وبقيت مش عرفة اعمل اية لاني بحبهم وبتمنلهم الخير والله بس برضو حمدت ربنا لانهم عدو من السنة الغريبة دي لان الدكاترة فعلن كانو مستاصددنا واللي حيعيدو السنة ميزعلوش لان كليتنا عملية بتعتمد علي اللي يطلع شغل كويس مش التقدير فيارب يوفقهم وتشطرو السنين اللي جية وتبقي تجربة وعدت وميزعلوش وفي الاخر كل واحد حياخد نصيبة مثال:
انا خالتي كانت متخرجة من تجارة خارجية زمان ودي كانت مجموعها عالي وتحفة وليها قريبتها في معهد خالتي تصورو اشتغلت في الازاعة والتليفزيون محاسبة بس قريبتها اشتغلت في بنك احسن وبمرتب اعلي فكل واحد ربنا كتبلة رزق حيخدة وميزعلش علي اللي فات المهم اللي جاي يارب وفقنا لما تحب وترضاه وابعدنا عن المعاصي والشهوات امين

في البداية بسم الله

بسم الله الرحمن الرحيم

لا الاه الا الله محمد رسول الله اللهم صلي علي سيدنا محمد


اولا احب ادعي لكل اصدقائي وعائلتي والمؤمنين اجمعين بالهداية والستر والتوفيق والمودة والرحمة في اول مدونة ليا
يارب وفقنا لما تحب وترضي لما هو خير لنا في ديننا ومعاشنا وعاقبة امرنا






هذا بداية الموضوع اني اكتشفت في اخر يوم امتحانات ان لايؤمن احدكم حتي يحب لاخية ما يحب لنفسة
كنت كل يوم من ايام الامتحانات وعند تسليم ورقة الاجابة اقول دعاء الامتحان وبس كان بيجي الامتحان صعب معرفش لية واقول منا قولت الدعاء فالحمد لله قبلت صديقة ليا قلتلها اعمل اية تاني غير اني اقول الدعاء فقالت بصي يا مروة حقولك حاجة بعملها وطريقة سهلة قبل ما احل وابص في الورقة وقبل الدعاء قولتلها اتفضلي يا ستي قولي فقالت اقراي الفاتحة عند تسليم ورقة الامتحان وبعد كدة ادعي من قلبك كانك بتدعي لنفسك لاصدقائك والمسلمين
بصراحة انا ديما بدعي للمسلمين بس مش عند بداية الامتحان وكانت اخر مادة بيزنس وسمعت الكلام ونفذتة بالحرف وبصراحة دي احسن مادة جوبت فيها صحيح غلط بس الحمد لله انا رضية فيا سبحان الله لهذا الامر العجيب خرجت لقيت كل صحباتي مبسوطين وفرحانين

ربنا كريم والله وجميل وحنان منان قادر علي كل شي برغم ان دة الدكتور الوحيد اللي قال الامتحان حيجي صعب

اتعلمت بصراحة من الموقف دة معاني كتيرة : ومنها
1-فائدة الصحبة في الله وحب الاصدقاء في الله
2- الدعاء للمسلمين في وقت الكرب والاحزان
3-معرفة مهما كان صعوبة اي امر ان الله قادر علي كل شئ
4-عمل الخير ومساعدة الاصدقاء في المحن

انا ان شاء الله تعالي حضع اول مدونة ليا فيها اذكار لكي نتبعها كلنا وبدعي ربنا من كل قلبي ان يحنن قلب المصححين علي ورقنا وننجح في كل المواد ونرجع مبسوطين بعد سماع النتيجة ان شاء الله
الاذكار: